Ka JSU-CB kyntu ko ya waroh ki manbei manpa ka ri-loom Jaiñtia wa ym hoi u phah mih ki ya ki khynnah wa dang 12 snem chapoh wei khamtam hawa phah ki ya ki khon yong ki wow lai dukan ki.
Ka seiñ da ong ko wa kani ka khlam COVID-19 dang joor bha ko ha kini ki sngi wei kani ka kjut wa smat bha ko u ktah yaki khynnah waki bru wada heh rta. Wei neiliang ka seiñ da ban joor ko yaki paidbah wym hoi u khieñstiñ ya kani ka khlam deiwa kyntu joor yaki manbei manpa u pyrkhat bha ki yaki khon yong ki deiwa pynchong yaki ha yung wei ymtoh u phah ki wow lai dukan khnang yow wanrah ko yei chngaaiñ ya waroh.
Neiliang ka seiñ da ong ko wa lada ki bru paidbah ym ya krehlang ki, eh bha u yakhun ya kani ka khlam heiwa boon ki paidbah tang ya ki Mask leh ym em u deiñ ki, pynkut ka kyrwoh na u Publicity Secretary ka seiñ u T. Mukhim.
