Jowai: Ka Jaiñtia Tribal Traders Association (JTTA) ha ka khubor wa da pyllait da u President ka seiñ u ma Iatha Najiar da kyntu ko ya kitu ki nongchong yaw kiwa ksoh ya ki Permit wow lisu noh ki yaka bai Permit yong ki, hadien wa ka JHADC da pynhiar ko ya ka dor wada booh ko.
Ha kini ki khajiak por ka JHADC da pynku ko ya ka bai Permit chadooh T. 900 ha ka chisnem, tangwa neiliang yong ki nongchong yaw hapoh ka lama yong ka JTTA da pyrchah joor ki yeini ileh yong ka Council. Heiwa neiliang ka seiñ dawa ko wow pynhiar cha ka T. 550 chisnem.
Hadien i yaklam sniawthooh na waroh arliang da rai wow su noh T. 700 ha ka chisnem. Katwa kamtæ neiliang ka seiñ da kyntu ko ya waroh kiwa ksoh Permit wow lisu noh ki ya kani ka bai Permit hapoh ka 31.3.2016 kawa toh ka sngi khaddooh wow su cha ka District Council.
Discussion about this post