Kyntu ka JYF ya ki Dolloi wa ka JHADC yow ya sñiathooh yumut noh

Jowai : Ka Jaiñtia Youth Federation, ha ka khubor wa da phah da u President yong ka u ma Poipynhun Majaw da ong ko wa ka seiñ ym ye de ko u chong wow pait wei suki hi-eh yei wa jia ha ri-loom Jaiñtia khamtam hei yatoh wa i synchaar khadar hapyrdi ka District Council wa ki Elaka.

Ka seiñ dei khia mynsien ko hei yatoh wei chah behkaam chipor ki Dolloi kiwa man kam ki khlieh synchaar ka Ri loom Jaiñtia, hadien wa da lai lait ki ya ka JHADC.

“Katkam ka Dustur Riti na ki por nachwa, chwa wow em ka District Council, ka jaitbru da e bor ko ya ki Dolloi, ki Syiem, wa ki Sirdar wow man kam kiwa synchaar Elaka wa Hima. Kam ki wa kitkaam em leh i bahkhlieh wei kaamram yong ki wow pait ya ka Hima næ Elaka deiwa khrong dan yow pyndap yeiwa emkaam ka Elaka” da ong u ma Majaw.

U ma Majaw da ong u leh wa nadooh wa mih ka United Khasi – Jaintia Hills District Council, ha ka 23 Naiynñiaw 1960 na u Lat jong ka Assam, kawa da yohbor na ka Six Schedule ya ki District Council wow pait wow sumaar ki ya ki khyndaw ki chiap, hapoh ki Elaka wa ki hima.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Manda mih i yachruit hapyrdi ki Dolloi wa ka JHADC, yoosar em wa pynsñiawthooh bakla ya ki ya ka aiñ wa da pynmih na ka yung bichaar wa khlieh dooh ka ri kawa da e laad ya ki dolloi wow ya sñiawthooh chwa wa ka District Council wow pynkrehkaam ya ka Customary Practice kawa da jooh leh da ki kattu katni ki Elaka, Hima næ Sirdarship.

Kamtæ ka seiñ da kyntu ko ya ki ar liang wym hoi u ya pynyoobor wei emkaam leh u em i mynsien ya maap kylliang neibynta i bha i miat ka jaitbru waroh kawi.