Jowai: Ka Khasi Students’ Union (KSU) Laskeiñ Circle, da pyntip ko cha u DC ka WJH wa yoh yutip ko wa em i thmu yong ka Karbi Students Association (KSA) deilang wa ki paaid Karbi wa daw pynman ki yaka lai paidbah (Rally) nadooh na Mukoilum chadooh cha wah Myntang wei na wah Myntang chadooh cha Umkhyrmi.
Ini i thmu lai paidbah u man ko haka 29 tarik uni u bnai heiwa da yoh yutip leh wa u CEM ka Karbi Anglong Autonomous Council leh daw emlang u ha katai ka sngi.
Kamtæ ka seiñ da sñiaw ko wa ini i thmu lai paidbah chapoh u pood u ang ka jylla ym pep wow ktah ko yei man chngaiñ lane kawa ye u wanrah ya ki kynrum kynram wei daw mih daw kylla ko cha ka thma sñiawyaphær jaitbru (Communal) kawa daw ktah yaka chong suk chong saiñ.
Ka seiñ da dawa ko leh na u DC wow sñiawbha u wow tuklar lang heiyatoh wa kani ka kaam ka wow ye u yah cha kiwi ki luti. I dawa pynbait pood pynbait ang, da yeiñ i ha i yutang, ym da ka luti mih umsnam, wei lada sdang pynyoo bor, ym tharai wow kut ha i chah næ wow suki donhi.
Neiliang u DC da ong wa mar ya tip u ya ini i thmu lai paidbah ki paaid Karbi da chimkhia u wei da dep Phone u leh cha u DC ka Hamren Karbi Anglong District neibynta wow pynsangeh ya katai ka thmu. Da ong u leh wa neiliang ki pulit leh da yoh yutip ki ya ini.
Discussion about this post