Jowai: Ka khasi Students Union-Nangbah Unit ha ka 23 tarik uni u bnai hapoh i yahkhmat u Morningstar Pasi, President ka Unit ryngkat wa u Ohibait Dkhar, President Rangbah ka KSU Jaiñtia Hills District, da lai yachem ki ya u Director of Medical & Health Officer (DMHO) West Jaiñtia Hills District Jowai heiyatoh wa i poor u khñiang COVID-19.
Ha ini i yachem da ekti leh ya ka dorkhat wow kyrpaad na kani ka yung krehkaam u DM&HO wow leh ya ka Random Test hapoh ka chnong Nangbah wei wow yarap wow e ya ki Thermal Scanner lyngba ka PHC kawa em ha chnong.
Ka seiñ da ong ko wa i em kini ki tiar (Scanner) daw pynsuk ki wow sylli (Check) ya kiwa lai wa wan ki para chnong dei yarap ki wakreh ka PHC wa ki COVID-19 Volunteer.
Kamtæ ka seiñ da kyrmen ko wa ka chnat daw chimkhia ko yeini neibynta i bha i miat ki paidbah ka chnong.
