Kyntu ka KSU ya ki pulit wow pynsmat yei takit hajrong ka NIPMT lada kawa sakhiat namo kawa thok

Shillong: Hadien wa chah khang khyrdep chipor ka thaw puræ wa tip kam National Institute of Paramedical Technology (NIPMT) neidaw wa joor i suba wa kani ka thaw puræ toh kawa thok heiwa ka Khasi Students’ Union lyngba ka Education Cell da dawa ko wow pynsmat ya ka takit hajrong wow chem yei sakhiat hei yatoh wa kani ka thaw puræ da skem i suba toh wa man ko kawa thok yow tip leh lada tipmit ka Para Medical Council of India ya ka.

Ka seiñ leh da phah takit ko leh yei rukom thung ko ya kiwa sikai yow chem lada booh ko ya ki kyndon katkam ki aiñ wa biang.

Da ong ka seiñ wa i pynsmat ya ka takit toh neibynta ki bei ki pa kiwa da pynlut poisa wow phah puræ ya ki khon ki kti ki ha kani ka thaw puræ wei lada kani ka thaw puræ man ko kawa thok yoh haap pynuiñ ya ka poisa wei wow su leh ya kiwi ki lutsan kiwa lai puræ.

Ka seiñ da kyntu ko leh ya ka tnat puræ puthi yong ka sorkar jylla wow pynkhlan ko ya ki aiñ khamtam ya ki thaw puræ wa seiñ da ki bru samen yow lait u sepai ka poisa ki tre jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka seiñ da kular ko wow booddien ya ki eh i khoo kiwa lai puræ lada ki bor sorkar ym chimkhia ki yeini waroh.

Also Read: Khang ki pulit chipor ya ka thaw puræ NIPMT, Shillong wow pynsakhiat kam ka thaw puræ wa tipmit ka sorkar