Shillong: Kawi ka manbei da ujor ko ha ki pulit ka Lumdiengjri Police Station deiwa kyntu ya ka tnat pulit wow noh ya ka Video kawa da booh ha Facebook yeiwa jia ha Mawkhar, Shillong.
Hawa yaklam wa kiwa pathai khubor ynne i sngi hajrong ini ka Deigracia Pohtmi da ong ko wa i booh ya ini i video yong ka da ktah ko ya ka manyung yong ka wei da daisarom i ya ka.
Katkam i ong ka Pohtmi ya ini i video da riñ da ka Marydon Marbaniang (Home guard) wei da chim tooh yeini da u Gabriel Mawlong wei oo won da phah u ki cha ki lok u kiwa da booh yeini ha ki social media.
Katwa ka Marydon kawa riñ yeini i jia ha Mawkhar ha ka 24 tarik uni u bnai, heiwa da em kattu katni ngut ki khynroo kiwa thmu wow ktah kti ya uwi u baar jylla deiwa pynbaad wa tooh u wei da ong ko wa emkaam wow ekti ya oo ha ki pulit.
Hadien ini da lai ko cha dukan cha wa u Gabriel Mawlong uwa tipmit ko wei da paan wow pait ya ini i video wei da tooh pathan u ki na ka phone ko wei da phah u ki cha ki lok yong oo kiwa da booh ya ini ha ki social media deiwa kam wa yada ko ya u baar jylla.
Kini ki le ngut da kyntu ki ya ki pulit wow pynwiar noh ya ini i video iwa da ktah bha ya ka wa em yatoh ko wa uni u baar jylla.
[arve url=”https://www.facebook.com/Juster4C/videos/1495466810476525/” /]
Discussion about this post