Shillong: Ka Meghalaya Commercial Vehicle’s Union (MCVU) hadien wa yoo ko ya i eh i khoo ki kari wa kit mar kiwa yah da ki tre ri heiwa ki baar jylla yoh ki ya ka jooh ka laad wow kit ya ki mar wa mih napoh ka jylla khlem biang ki ya ki kot ki sla khamtam ka Trading License na ki District Council man ko kawa ktah bha yei khih i khan ka jaitbru.
Ini i yoh laad laitlaan ki baar jylla da ktah joor ko ya ki tre ri wei ymtoh u elaad wow leh ki yeini hapoh ka jylla Meghalaya.
Kamtæ neiliang ka MCVU da dawa ko naka tnat Transport Department yong ka sorkar jylla wa na ki District Council ka KHADC wa JHADC wow chimkhia wow pynsangeh ya kani ka kamai be-aiñ yong ki kari ki baar jylla ki wym biang ya ki kot ki sla kam ka Trading Licence.
Ka MCVU da dawa ko leh na ki kharkhana pynmih khyndawbilat wa neni chakhmat ymtoh de u e wow kit mar da ki kari na baar jylla wei wow elaad chwa ki ya ki tre chnong wow kit mar ki wa mih napoh ka jylla.
Kani toh katkam ka khubor wa phah da u H. Mukhim President ka seiñ.
Discussion about this post