Jowai: Ka sorkar pyrdi da pynche ko wa da yoh yutip ko wa lyngba ka tnat Ministry of Shipping wa em ka website thok yong ka Sagarmala kawa man kamni http://sagarmala.org.in/ kawa phah email cha kiwa thooh khih thooh kreh wa kiwi kiwi ki kaam hapoh ka Sagarmala project.
Da pyntip wa kani ka website wa thok ye ko u sariem ko wa ka website wa sakhiat yong ka Sagarmala, wei ha kani ka website wa thok da em ki advertisement wow thung kreh ya ki Engineer Trainee wa Diploma Trainee.
Ka Ministry da kyntu ko ya waroh wow man ki kiwa husiar wei ymtoh wow chah pynbiej ha kam kini ki website wa ki advertisement wa thok neibhah hawa kut ye ki bru u chah chukor ha kini ki website wa thok. Da ong ko leh wa kam kini ki kaam thok man i iwa pyrchah ya ka aiñ Information Technology Act wa ka Indian Penal Code.
Da pyntip cha waroh kiwa yatoh wa kani ka Ministry wa ka website yong ka Sagarmala Programme man ko kamni http://www.sagarmala.gov.in/
Ka Sagarmala Programme toh kawa hapoh kani ka Ministry toh kawa sdang da ka sorkar pyrdi ha u 2015 kawa kynjoh kamwa $ 120 Million ka wow chna wei wow pynmiat ya ki Seaport ha kyllieñ ka ri.
Discussion about this post