Khliehriat: Ka Southern Border Youth Welfare Association (SBYWA) da kyntu ko ya ki bor synchaar District ka EJHD wow pynboon chooh chooh ya ki dukan dai mar baam kam ha Ladrymbai khnang wa ki paidbah u rap suk ki wow thied ya ki mar wa emkaam ki neibhah da em kiwa na palat sor kiwa wan thied tangwa ym yoh ki wow thied mar.
Da kyntu ko leh wow pynpoi ya ki mar baam yong ki paidbah ka thaaiñ Bataw heipor wa biang neibhah kamwa man ynne ka sngi ki paidbah ka thaaiñ waroh da lai lut ki cha Ladrymbai neibhah wym em dukan ha Bataw katkam ka hukum kawa da pynlait da u DC.
Da kyrpaad leh ya ka sorkar khamtam ya ki bor synchaar District ka East Jaiñtia Hills wow pynpoi ya ki mar baam ha ki chnong khappood kam ka Hingaria, Huroi, Lei Long, Lejri wa kiwi kiwi neibhah wa chem chitom ki wow lai chadooh Khliehriat wa Ladrymbai wow lai thied ya i emkaam yong ki.
Chooh chooh da kyntu leh ya waroh ki paidbah wow krehlang chirup wa ki bor synchaar District hajrong kammon wow yakhun pyrchah ya kani ka khlam COVID 19.
Discussion about this post