Jowai: U President ka Synjuk ki San Shnong uwa man leh u President ka Synjuk Waheh Shnong Ri Jaiñtia (SWRJ) u A. Lipon da pynsñiaw u yei sñiawsih yei rukom kit jhep ki kari ka Jowai Municipal Board (JMB) heiwa ym jooh em tymmoh bha ki ya i jhep wei da haap roi i jhep heipor wa lai nohjhep ki.
U Lipon da ong u wa ynne i step da chem biang u ya ini heiwa ka wi ka kari kit jhep da kit ko palatpood wei da haap ki jhep neidaw wa ym em biang tymmoh yei jhep.
Da ong u leh wa i thaw nohjhep wa em harood ka wah Mynkjai man ko kawa be-aiñ neibhah man ko pyrchah ya ka hukum ka NGT wei ini i thaw nohjhep da wanrah ko ki kjut wa boonjait cha ki chnong wa em cha jan.
Kamtæ da kyntu u ya ki bor sorkar wa toh u pait ya ini wow chimkhia ki ya ini i kaam yow lait na i saja ya kiwa boon.
Also Read: Da kyrriah yei thaw nohjhep na rood Mynkajai cha i thaw wa rap jngai kajak na ka wah
Discussion about this post