Ka Synjuk Waheh Shnong Ri Jaiñtia (SWSRJ), ynne ka sngi hawa yaklam wa kiwa pathai khubor lyngba u President yong ka, u Arminius Lypon da pynsñiaw yei sñiawkhia heiyatoh wa i chem chitom wa mih heiyatoh wa i thaw noh-jhep.
Neiliang u Arminius da ong u wa ka Jowai man ko ka sor wa kyruiñ kiwa boon na ka Ri-loom Jaiñtia wei ka Iawmusiang man ko ka yaw kawa heh dooh kawa wan ki bru na kylleiñ tangwa man iwa yoosarom wow yoo katni wa kat dang mih ki sngi i jhep ha kani ka yaw dang boon dang lang i wei da neh i chithaw don khlem em wa pait wa yoo.
Da kyntu u leh ya ki bor ka Jowai Municipal Board, u Deputy Commissioner kamjooh ya u MLA wow pynemkaam hok ya i thaw katkam i kular ha i noh-jhep katni ha Moochutsdai hajan ki soo chnong wa kynthup ya ka Thadmusem, Sohphoh wa kiwi kiwi deiwa em ka yasylli lang (Joint Inspection) heiyatoh wa ini i thaw.
Heijooh i por da kyrpaad u ya waroh lang wow yakrehlang khnang wow ye wow pynbait noh ya ini i kaam neibynta i bha i miat yong waroh lang.
