Kyntu ka UDA ya u Conrad wow khut yaka dorbar kyrpang pynyoo boon paaid ha KHADC

Shillong: Ki MDC ka Khasi Hills Autonomous District Council (KHADC) kiwa em hapoh ka lama yong ka United Democratic Alliance (UDA) ynne ka sngi da kyntu ki yaka sorkar jylla wow pynmih hukum noh neibynta wow khut ya ka dorbar kyrpang wow yoh pynyoo ya i boon paaid.

Neiliang kini ki MDC da lai e lut ki leh da i thoh ha u Montri Rangbah ka jylla, u Conrad K Sangma hajrong ini i kwah yong ki wow khut ya ka dorbar kyrpang.

Hawa klam wa ki laad pathai khubor ynne ka sngi hadien ka yalang, u CEM warim ka KHADC, u Teinwell Dkhar da pyntip u wa neiliang u Montri Rangbah da kular u wow chimkhia ya kani ka kaam wei wow pyndep noh ya i emkaam waroh hapoh kini ki kajiak sngi wow wan.

Neiliang u Pyniaid Sing Syiem da ong u wa ka UDA katni da em ko 16 ngut ki MDC da i lai pynyabi noh yong u Batskhem Ryntathiang wa ka Grace M Kharpuri, wei hajrong kani ka yurim da pynman ya ka UDA wow pyntip cha ka sorkar ya i em ki MDC yow pynyoo bor noh ha ka dorbar kyrpang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh wa i phah ka sorkar ya u Lat wow pyynkrehkaam yaka synchaar Administrator, u Pyniaid da ong wa ini toh i sñiaw yong ka sorkar hawa ka da yoo ko yei long i man ha ki tayaw wa da dep, tangwa kamwa man katni, ka UDA da em ko ya i boon paaid lada pynyoo bor wow chna yaka Executive Committee wa thymme.

Da ong wa kamwa man kattæ nadooh wa haap ka UDA ym pu em ka Executive Committee ha KHADC, tangwa da em du u CEM samen, u Latiplang Kharkongor kawa da wanrah yei eh ya ki paidbah wa ya i krehkaam ha ka Council.