Jowai: Ka VDP Mookyrdup, Jowai ryngkat wa ki bor ka chnong da rai ki wow kyntu ya waroh kiwa chong chnong wa kiwa na baar chnong wa ymhoi u lai lait namo u tyngkheiñ ki ya ki kyndon krehkaam ka chnong khnang wow wanrah yei chongsuk hapoh ka chnong khamtam heipor Election.
Ha ka yalang wa da man hapoh ka chnong ha ka 20 tarik uni u bnai chirup wa ka VDP da kyntu ya waroh kiwa chong chnong ka Mookyrdup wa kiwa na baar wow bood ya ki kyndon ka chnong wa da thoh lyngba ki Signboard ha man ki khim wa ki laad ka chnong.
Heijooh i por ka VDP nadooh mynstep ka 22 tarik daw lai sonteri ko ya ki luti syngkieñ hadooh wa poi ka sngi thap vote (27/02/18) khnang wow wanrah yei chongsuk hapoh ka chnong.
Da khang pyrchah leh ya kiwon kiwon ki bru kiwa chim kabu wow pynbiej Election deiwa pynemkaam da ka poisa, i dih kiad, wa kiwi kiwi ki kaam wa man pyrchah ya ka aiñ.
Lada chem ya kiwon kiwon kiwa leh pyrchah neiliang ka VDP daw kem ko ya ki wei wei daw ekti ya ki cha ki bor ka aiñ.
Kani toh katkam wa pyntip u Riky Dan, Secretary ka VDP Mookyrdup Dorbar Shnong.
Discussion about this post