Kyntu ki ar seiñ wow ekti cha ka MSPCB wow takit yei pynmih la-ær pum-pum ka Topcem: JNC & KSU

Jowai: Ka Jaiñtia National Council (JNC) wa ka Khasi Student’s Union-JHDU ynne ka sngi hapoh i yahkhmat u Wanshwa Suting, President JNC wa u Lastinme Syad, General Secretary JNC ryngkat wa ki dkhot da lai booh ki ya ka dorkhat ha u Deputy Commissioner ka EJH wow dawa wow ekti ya i takit cha ka Meghalaya State Pollution Control Board (MSPCB) hei yatoh wa i pynmih la-ær pum-pum ka karkhana Topcem Cement.

Da ong ki wa kani ka la-ær ye ko u ktah ya i chait i khiah ki bru kiwa chong chnong hajan yong kani ka karkhana, tangwa neidaw wa ym em u DC ka East Jaiñtia Hills District u M.S. Lhuid da ekti noh ya ka dorkhat ha u S.S. Syimelieh uwa man kam u Additional District Magistrate ka District.

“Neini i leh ka Topcem Cement ye ko u ktah ya i chait i khiah ki paidbah hapoh ka thaiñ Elaka Narpuh,” da ong kini ki ar seiñ.

Kini ki ar seiñ da dawa ki leh na ka yungkrehkaam u Deputy Commissioner wow pynchitom ya ka Topcem Cement katkam ki kyndon ka aiñ lada jia lada chem ko wa da leh ko ya ini i kaam pyrchah aiñ.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kam wow pynkynmoo heini kani ka karkhana da pynmih ko ya ka la-æ pum-pum ha ka 02 tarik uni u bnai wei da ood ki paidbah hei yatoh wa ini lyngba ka Facebook.

Neiliang kani ka yungkrehkaam da pyntip ko wa da ekti ya ka takit ha u C. Mawkon, MCS, EAC  wei wow pyndep ya ka hapoh 10 sngi tangwa neiliang kini ki ar seiñ da dawa ki wow ekti bait ya ka takit cha ka MSPCB.