Jowai: Ki ar tylli ki seiñ ka KSU-Khliehriat Circle wa ka All Jaiñtia Youth Welfare Organisation (AJYWO) da pyntip ki wa nadooh wa kop diñ ki artylli ki Transformer wa em ha Sub-station kawa tip kam ka 132/33KV Khliehriat Grid Sub-station Moowakhu, Khliehriat hadooh katni ympu em yoh light waroh kawi ka District hadooh ynne ka sngi.
Ini da ktah joor ym du yei krehkaam ki ophis sorkar, da ktah ko leh ya i khih i khan ki paidbah hadooh i chet i tu.
Hei yatoh wa ini, kini ki ar seiñ da wan ki cha Jowai wow yachem wa u CEO, MeECL wow li booh dorkhat ha oo heiyatoh wa ini i chem chitom ki paidbah wei yow chna smat ya ki Transformer wa da chah baam ha i diñ.
Neiliang u CEO da pyntip u cha kini ki ar seiñ wa ki tiar thymme daw haap yang wow wan ki nadooh ka ri Russia wei daw chimpor hadooh 3 bnai u poi kini ki tiar. Wei hapoh chi tayaw daw pyrchang ki u pynyoh light katwa ye ki tangwa ym ye u pynyoh light waroh chi sngi. Daw yoh du kattu katni ki chnong wei daw yoh kattu katni kynta chi sngi wei daw em ki chong wow yoh light wei em ki wym yoh light wei daw jied dei jied ya ki chnong yow ye u pynpoi light kajiak chisien cha waroh ki chnong.
Neiliang ki ar seiñ da kyntu ko ya ka MeECL wym toh u chna bill light ki katwa ympu ye u pynbiang i bor diñ.
Kani toh katkam ka khubor na u Wanshwa S. Suting u President AJYWA-EJZ.
Also Read: Kopdiñ ki transformer ha Moowakhu Sub-station, Khliehriat
Discussion about this post