Jowai: Ki ar tylli ki seiñbhalang kiwa kynthup ya ka All Jaiñtia Hills Social Welfare Organization (AJHSWO) wa ka Ri Jaiñtia Youth Federation (RJYF) hadien wa da yoh ki chiboon ki ujor na ki paidbah yong ka chnong Nangbah West Jaiñtia Hills District hajrong i sih yong u sarok khamtam nadooh na Iawmusiang, Wahiongdhar, Iongbiam, Khloopano wa Moomala ka chnong Nangbah kiwa man leh ki sarok wa em soodong kani ka chnong da lai yachem ki wa u EE ka Jowai North Division yow dawa chna pynmiat ya uni u sarok.
Ki ar seiñ leh da lai li pait chwa ki da i khmat ya ini i sih kini ki sarok nadooh wa sdang hadooh wa kut wei da chem sakhiat yei sih palat uni u sarok uwa man leh u budloom yong ka yoh ka kot khamtam ha i kjut i chitom ki paidbah wa yachem ki na ki por cha ki por neidaw wa sih ware uni u sarok.
Hajrong kani ka yurim ki ar seiñ da lai yachem ki ya u Executive Engineer ka Jowai North Division u D. Langstang wow kyntu ya oo wow pynchna ya kitai ki sarok wei neiliang yong oo da kular u wow chimkhia wow pynchna ya uni u sarok ha kini ki bnai wow wan.
Ini toh katkam ka kyrwoh wa da phah na ki ar seiñ u M. Sana (Organizing Secretary RJYF) wa u (President AJHSWO).
Discussion about this post