Shillong: U Montri ka sorkar jylla uwa man leh u MLA ka BJP na Pynthorumkhrah, u AL Hek da kyntu u ya ka seiñ Hynniewtrep National Liberation Council (HNLC) wow sangeh noh chwa ya ki kaam pyntieñ neibhah i yaklam wa ka sorkar pyrdi da kiwa yahkhmat ka BJP wa ka sorkar dang lai ko chakhmat.
Da ong u wa neibynta i suk i saiñ ha ka jylla, emkaam ya ka HNLC wow sangeh ya ki kaam pyntieñ, deiwa pynrap leh wa hanla hadooh katni ym pu em kawon kawon ka soskular næ i yakut, tangwa i yaklam toh neibynta wow wanrah ya i suk i saiñ ha ka jylla.
Ynne ka sngi neiliang ki ar ngut ki MLA ka Bharatiya Janata Party (BJP), u AL Hek wa u Sanbor Shullai da lai yachem ki ya u Lat ka jylla, u Satya Pal Malik ha chwa wow lai u cha Delhi, wei ha kani ka yachem, waroh ar ngut ki MLA da pynsñiaw ki ya u Lat wow rah ya ka phang yaklam yasuk wa ka HNLC hakhmat u Montri Kaam Pohyung, u Amit Shah.
