Ki pulit ka East Jaiñtia Hills da kyntu ki ya ki paidbah wow pyntip næ wow wan kam ya i metyap kawi ka bru wa da tip pyrtuid kam ka Aiti Mary Suchiang ya kawa khut sin kam ka Lakshmi (28 snem i rta).
Katkam ka yutip wa da yoh na ki pulit da ong wa kani ka bru toh kawa sah ha Dhiar, Umlawang, Elaka Sutnga, East Jaiñtia Hills.
Ki pulit da yoh yutip ki chaphang i metyap yong ka ha ka 18 tarik uni u bnai wei da lai kit ya ini i metyap na yung wa sah ko samen yow leh yeiwa emkaam.
Kamtæ ki pulit da paan yarap ki na ki paidbah wa kiwa hayung hasem wow wan kam næ wan tipmit ya i metyap kani ka bru na Khliehriat CHC, East Jaiñtia Hills neidaw wa kamwa man kattæ ym pu tip toh ka khon yong kiyi wei wa kiyi em yatoh ko.
Hajrong ini i jia ki pulit da kem ki ya uwi u bru wei dang pynman ki ya i takit wow chemdien yeiwa sakhiat waroh.
