U Asstt. Inspector General of Police (A), Meghalaya u GK Iangrai da kyrpaad u ya ki paidbah khamtam ha kini ki por wa da poi ki samoi lehkmen ya kiwa boon ki jaitbru wa chong wa sah hapoh ka jylla wow kynmoo wow man kiwa yatylli yow em ka chongsuk chong saiñ ha ka imlang sahlang yow pynneh yaka yurim ka synchaar paidbah.
Da kyntu ya kiwa chong chnong wow kiar na kiwon kiwon ki kaam, i klam wow pynthut yaka imlang sahlang deiwa pynyaphær jaitbru yow neh naam ka Meghalaya kam kawa em i suk iwa daw neh parom.
Da ong u wa da em kiwa pyrchang wow wanrah yei ya sñiaw yaphær jaitbru lyngba ki Social Media, kamtæ da kyntu u wow pynemkaam ya kani ka rynsan deiwa em i kitkhlieh yow lait u mih iwon iwon i sih wei ya kini daw pynchitom.
Da khut leh wa waroh kiwa maya yei suk wow ya embynta wow wanrah yei chong suk chong saiñ wei ya kiwa pyrchahng wow pyndooh yei suk i saiñ daw pynchitom yaki wei da kyrpaad leh wa lada em yutip wa em iwon iwon iwa ye wow wanrah yei pyndooh yei suk i saiñ wow pyntip cha ki Police Station wa em chajan wei yei pyrtuid kiwa pyntip daw murieh.
