Kyntu ki pulit ka West Jaintia ya ki paidbah wow yarap pyntipmit ya i khonbo wa chem na Wah Myntdu

Jowai: Ynnin ka sngi da chem ya i metyap iwi i khonbo ha Kroh Matlang ka Wah Myntdu wei da wan chimkti noh ya ini i khonbo chynrang wa dang kha da ki pulit ka Women PS ka Jowai Police Station.

Ynne hawa yaklam wa ka DSP (Crime) ka District, ka CW Lyngdoh da pyntip ko wa da booh ya ini i khonbo ha Morgue ka Ialong Civil Hospital hadien wa leh ya ka Post Mortem.

Heiyatoh wa ini da booh ya ka mukotduma (Case) ha Jowai Police Station wei dang pynman ya ka takit hajrong ini iwa jia ya ini i khonbo.

Neiliang ka CW Lyngdoh da kyntu ko ya ki paidbah wow wan ki chakhmat wow kam næ pyntipmit (Identification) wei wow e yutip lada em iwon iwon iwa tip ki heiyatoh wa ini i khonboo deiwa phone ha ka Jowai PCR Ph. No. – 9774065467/9862909283.