Shillong: U Superintendent of Police, (CID), Meghalaya da kyntu u ya ki paidbah wow man ki kiwa husiar wei wow syndong ha kam kini ki por wa daw wan ki chuti Puja heiwa boon ka ya thied mar lyngba ki Online Website namo ki e-commerce site kam naka Snapdeal, Flipkart, Amazon wa kiwi kiwi.
Da ong u neidaw wa boon i pynhiar dor ki ya ki mar yong ki daw boon ki bru wow thied mar wei ha kam kini ki por daw em leh ki bru wa thmu wow chim kabu ya ki paidbah wow thok chukor ya ki paidbah.
Ini da leh deiwa phone cha ki paidbah wei daw kam wa da jop poisa, jop kari wei yow yoh ki u kamtre ya ini wa jop ki haap thap poisa ki ha ki Bank Account kini ki bru wa phone yow ye u pyllait ya iwa jop ki.
Kamtæ ka kyntu ya ki paidbah wow man ki kiwa chalak wei ymhoi u chah pynbiej ki ha ki SMS wa ha kiwa phone.
Discussion about this post