Hadien wa ynnin u snem da em ki jia wa sñiawsih ha Ri-loom Garo ha ka sngi Easter Monday heiwa da dooh hadooh 7 tylli ki mynsien bru wei na kini da em iwa jia hadien ki lehkmen lai baamdoh heiwa da khlaad ki hei ngam um.
Neiliang ki pulit ka East Garo Hills District da ong ki wa ha Ri-loom Garo da sakhi ya kiwa boon ki kaam awri awra, kiwa yap hei ngam um, i khlaad nei chah tyrrah kari kiwa da jia nei lehkmen cha palat pood ha man ka Easter Monday man-u-snem.
Kamtæ ki pulit da ong ki wa ha kani ka sngi Easter Monday ki pulit daw lai pait ki ya kiwa lai baamdoh wei daw yang leh ha ki luti wa thaw ka-it ki bru wow lehkmen yow pyntikna wym jia iwon iwon iwa sñiawsih ha kani ka lai baamdoh Easter.
Da khang leh ya ki paidbah wow dih kiad ha ki thaw paidbah, u pynmih kulmar, u yah kari khlem akor, u yah kari deiwa muaid, ymtoh wow pynheh sur deiwa pynemkaam da kiwon kiwon ki jait tanghæng lane ki kari, ymtoh wow yachoh yadat, ymtoh wow chondur lane riñ Video ya ki khynthai khlem da yoh bor.
Ymtoh wow rwai ya ki sur wa khlem akor, lane wow klam ya ki kyntien wa khlem akor ha ki thaw paidbah wei wymtoh u pynpoor ya ki khubor thok kamjooh wow maham ya kiwon kiwon.
Ki pulit da pynche ki leh wa ym em khang ki yei lehkmen Easter Monday tangwa kwah ki wa ka lehkmen Easter Monday ymtoh wow em i tyngkheiñ aiñ wa kiwa tyngkheiñ aiñ.
Puræ leh: Ngam um arngut, chem ki pulit yei metyap yong uwi
Puræ leh: Chem ki pulit yei metyap uwa ngam um nadooh ka 18 tarik
