U Block Development Officer (BDO) ka Laskein C&RD Block, u B. Niang da kyntu u ya kiwa chong chnong ka Mowkaiaw Constituency waroh kawi wym toh u pynpoor ki ya ka khubor thok wa yahbakla ha ki rynsan Social Media lane ki khubor paidbah hajrong ki Scheme sorkar wa ki kaam pynroi kiwa da theh cha ki chnong waphær khlem da tip tikna.
U BDO da ong wa da yoh yutip ka yung krehkaam u wa da em i pynpoor chaphang ki kaam pynroi lyngba ki MLA wa MP Scheme wa kamjooh kiwi ki Scheme kiwa da pynlait na ka yung krehkaam u BDO Laskein ki wym yahaap ka yukheiñ yukdiah wa ki thaw wa da pynlut yaka poisa sorkar kawa da yah bakla wei pynsñiawthooh bakla ya ki paidbah wa chong chnong.
U BDO da ong u wa kani ka khubor thok wa da em wa pynpoor toh kawa da pynchna pynwandur da kamwi wei ka wym yahaap wa i rukom pynlut yaka poisa kawa da mang ki MLA, MP wa kiwi kiwi.
Kamtæ hawa yatoh wa ini da kyntu ya waroh wym toh u pynpoor ya kam kini ki khubor kiwa da yahbakla wei kiwon kiwon kiwa leh pyrchah, ka yung krehkaam u BDO daw chim ko da ki luti kiwa katkam ki kyndon yong ka aiñ.
