Kyntu u Conrad ya u Nitin Gadkari wow pynku kyrdan ya ki sarok hapoh jylla

U montri rangbah ka jylla, u Conrad Sangma chirup wa u symbood montri rangbah, u Prestone Tynsong ynne ka sngi da yachem ki ya u montri ka sorkar pyrdi wa pait ya ka Ministry of Road Transport and Highways u Nitin Gadkari ha nongbah New Delhi.

Ha ini i yachem da yaklam hei wow pynku kyrdan namo wow Upgrade cha u sarok 2-Lane na Nongstoin -Domiasiat-Mawthabah.

Da yaklam leh wow pynku kyrdan cha u 2-Lane with Paved Shoulder yong u sarokbah wa thymme National Highway 127B uwa pynyabi ya ka Srirampur, Assam wa ka Nongstoin.

Chooh chooh da yaklam wow pynmiat ya u sarokbah NH 62 uwa na Damra, Assam wei kut u ha Dalu, Meghalaya.