Ka sorkar Meghalaya lyngba u Director General of Police u R. Chandranathan, Meghalaya hadien wa mih i kynad hapoh ka jylla khamtam ha East Khasi Hills District, da kyntu u ya waroh kiwa chong chnong, ki seiñbhalang, ki seiñ niam, ki dorbar chnong, ki seiñ kynthai, ki seiñ khynroo kamjooh ya waroh kiwa maya yaka suk ka saiñ wow ya tylli ki yow yaleh pyrchah yei poor ki khubor thok, ki khubor pynchongchit heiyatoh wa i jia hapoh ka jylla heiwa kini ki jait khubor kiwa ym yatoh katkam wa jia daw pynheh chooh ki ya iwa jia.
Kamtæ yow lait na ini, ki paidbah da kyntu ya ki wow pait ki ya ka Official Website ka Meghalaya Police, ka Facebook Page, Twitter wa Instagram yong ki heiwa daw e khubor ya iwa jia arsien chi sngi.
Lada emkaam yarap hapoh ka East Khasi Hills District, ki paidbah ye ki wow phone ha kini ki Police number uwa 100 wa 0364-2222855 kamjooh wow phah da ki Message ha ki Social Media.
Chooh chooh da pyntip wa kiwon kiwon kiwa embynta wow pynmih yei kulmar, i wanrah yei sñiaw yaphær jaitbru hapoh ka jylla daw pynchitom yaki katkam ka aiñ.
Discussion about this post