Shillong: Yow pynkynmoo ya ki paidbah wa emkaam u man ki kiwa husiar heipor wa yah kari yow lait na ki mynsoo ki ya tyrrah kari da pynman ya ka pynsñiawthooh paidbah wa tip kam ka “Your Safety, secures your family- Be cautious on Roads” ha Soso Tham Auditorium, Shillong ynnin ka 18 tarik heiwa u Meghalaya Transport Minister, u H.D.R. Lyngdoh da wan u kam u kongsan.
Ya kani ka pynsñiawthooh paidbah da pynman da ka Transport Department hei ya krehlang wa ka yung krehkaam u Deputy Commissioner, East Khasi Hills District, Shillong.
U montri da ong u wa emkaam u tip bniah kammon u yah kari, u man kiwa jai jai ymtoh kiwa chit khlieh wa jhan yow lait na ki mynsoo mynsnaam. Da kyntu u leh ya ka tnat PWD yow chna ya ki sarok wa miat, wow sylli ki ya ki thaw wa ye ki khyndaw wa ki moo u oor wei ya ki pulit da pynchlur u wow pynjoor ki yei uiñ sonteri ki wei wow kem wei pynchitom ya kiwa yah kari khlem akor wa kiwa yah deiwa muaid.
Yow lait na ka sahkut kari emkaam u bood ya ki aiñ yahkari wei da pynchlur ya ki paidbah wow pyntikna ki wa kiwi leh bood ki ya kini ki aiñ.
Ha kani ka sngi u kongsan leh da puræ u ya ka Road Safety Pledge wow kular u man kiwa syndong heipor wa yah kari wei da pynman leh ya ka lai paidbah wa chimbynta da ki khynnah skur wa ki thuk thuk.
Discussion about this post