Jowai: U Marshall Biam uwi na kiwa chong chnong ka Ladrymbai Dongwah da booh kyrpaad u na ka yung krehkaam u Deputy Commissioner ka East Jaiñtia Hills District hajrong i pynku ya i dor ki mar-baam katkam ka Order wa da pynmih ha ka 29 tarik u Wisu (March).
Neiliang u Biam u da ong u wa kini ki mar-baam kiwa da pynku dor kynthup ki ya kam u khoo Andhra wa pynku na ka T. 36 cha ka T.40, khoo Arham T. 32 naka T. 30, u khoo UP T. 30 naka T. 25, salah T. 27 naka T. 20, u dai T. 80 naka T. 70 chi kilo katwa ya i phniang baam T. 150 naka T. 90.
Ini i pynku dor ya ki mar-baam lyngba ki dukan dai marbaam da ktah ko chiboon ya ki paidbah khamtam ya kitu kiwa dooh wa duk wa kiwa duna i yoh. Ha i jooh i por da kyntu wa toh u booh yaki dor yong ki marbaam ha ki dukan khnang wa ym ktah ya kiwa thied.
Hawa yatoh wa ini, u Biam da kyntu u leh wa ym toh u pynku dor palat ya ki mar-baam mardih heiwa neiliang u Deputy Chief Minister u Prestone Tynsong da pyntip u wa lada em kiwon kiwon kiwa chim tam ya i dor ye ki wow chah pynchitom katkam ka kyndon aiñ.
Discussion about this post