U Montri khynnah ka sorkar pyrdi, uwa pait ya ka chnat Labour and Employment, u Santosh Gangwar da kyntu u ya waroh ki sorkar jylla wow thung ya ki sahep wa kyrpang (Nodal Officer) na ka chnat Labour Department wow yakreh wa ki Control Room wa da booh da ka sorkar pyrdi wow pait yei bha i miat yong kiwa khih mylla hadien wa krehkaam ka Lockdown wow yakhun pyrchah ya ka khlam COVID-19.
U Gangwar ynnin da thoh u cha waroh ki montri ki sorkar jylla wa pait ya ka chnat Labour deiwa ong wa ki sahep ka Labour Department toh u tip ki hajrong kini ki 20 tylli ki Control Room.
Heiyatoh wa i emkaam wow krehlang hapyrdi ki sorkar jylla wa ka sorkar pyrdi, u Gangwar da ong u wa ini man i iwa emkaam bha khnang wow yarap ya ki warep.
Ka Ministry of Labour and Employment da booh ko ya kini ki Control Room hapoh u Chief Labour Commissioner (C) neibynta waroh kawi ka ri neidaw wa chem chitom kiwa khih mylla.
Hadien wa pynkrehkaam ya kini ki Control Room da yoh ujor wa i paan yarap du na ki 2100 ngut ha kini ki 20 Control Room. Na kini 1400 tylli toh na ki sorkar jylla wa ki Union Territory.
Neidaw wa kani ka bynta (labour) toh ka phang wa pait da pyn ar ki sorkar (Concurrent Subject), kamtæ emkaam yei krehlang hapyrdi ki sorkar jylla wa ka sorkar pyrdi wow pynbait yeiwa eh.
Neiliang u montri da phah yutip u leh hajrong kini ki 20 tylli ki Central Control Room chirup wa ki sahep wa phah ka sorkar pyrdi yow rap suk i krehlang.
Discussion about this post