Kyntu u Nongpluh ya ki paidbah wow man ki kiwa yaichah

Jowai : Hawa chna ya iwon iwon i thaw em bait i wit i thut ya ki paidbah ha kiwa boon ki liang.

Ynnin i miet yong ka 24 tarik da yoh yutip wa em kawi ka Truck Dumper kawa theh mooria ha pyrdi sarok ha Wahnangbah, KNB Road.

Ini i theh mooria kani ka truck da wanrah i ya i sah ki kari tymbud sarok hadooh wa poi cha Tpep Pale.

Ki paidbah da khñium ki hei yatoh weini i leh kani ka truck wei da ong ki wa lada emkaam u pynhaap moo toh u leh ko dei miet i synyaw heipor wym em kari wa lai dep neitæ u pyllang ya u moo chithaw don.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Uni u moo toh uwa da mang wow chna ya u sarok Mission Compound-Thomas Jones.

Hei yatoh weini neiliang u Executive Engineer ka Jowai (South Division) u M. Nongpluh da pyntip u wa neidaw wym em thaw wa lait wow pynhaap næ booh ya u moo da haap pynhaap haap booh ya oo ha rood sarok.

“Katni dang chna ya ka slep pyn harood sarok ka wow man kam ka yingkieñ, wei manda dep chna ya ka daw yoh thaw u booh ya u moo heitæ” da ong u Nongpluh.

Da kyntu u leh ya ki paidbah wow yaichah ki kamwa sa ar tayaw yow ye u pyndep ya kani ka slep wow yohthaw u booh ya ki moo wow chna ya uni u sarok.