U Symbood Montri Rangbah ka jylla uwa pait leh yaka chnat Kaam Pohyung, u Prestone Tynsong da kyntu u ya ki seiñ waphær waphær wym toh u leh ki iwon iwon i kaam palat pood, tangwa wow e laad yaka aiñ wow leh yeiwa emkaam.
Hawa klam hajrong i chah kem yong ki ar ngut ki khynroo kiwa man leh ki dkhot ka KSU South Khasi Hills, neiliang u Prestone da ong u wa da pyntip cha oo wa da rah ar ngut ki bru hajrong i jia ha Ichamati wei ka takit dang lai ko, wei pynrap u wa ya kattæ ym pu ye wow klam palat hadooh wa da pyndep yei takit.
Da ong u wa ka sorkar da kyntu ko ya waroh ki liang wa ki seiñ wot kiwa na baar jylla kamjooh ki seiñ yong ki khynroo kiwa man ki tre jylla wow sñiawbha wym toh u leh iyi iyi wa palat pood, tangwa wow e laad ya ka aiñ wow krehkaam ko wei ka aiñ ym maap ko ya kiwon kiwon, kamtæ wow kiar ki nei pyrchang e diñ hajrong itai wa jia.
Discussion about this post