U montri ka sorkar pyrdi wa pait ya ka chnat Youth Affairs and Sports, u Kiren Rijiju ynne da sdang u ya ka 2nd Edition ka Fit India Cyclothon hajrong ka phang “Cycling is a great way to stay fit & reduce carbon footprints” namo wow yah cycle ym du wow yoh yei chait i khiah tangwa wow pynneh pynyringam ya ka rymaw.
Kani ka Cyclothon da sdang ko nadooh ka 7 tarik uni u bnai hadooh 31 tarik uni u bnai wei daw pynman ya ka ha kylleiñ ka ri heiwa ki paidbah daw ye ki u chimbynta ha ka deiwa register ha ka website ka Fit India (https://fitindia.gov.in/fit-india-cyclothon-2020/).
Hadien wa register, ye ki u yah cycle man ka sngi katwa ngait ki i jngai wei wow booh (share) yei dur yong ki ha ki social media deiwa tag @FitIndiaOff wei wow pynemkaam ya ka hashtag- #FitIndiaCyclothon wa #NewIndiaFitIndia.
Neiliang u Rijiju da kyntu u leh ya ki paidbah ka ri wow chimbynta ki ha kani ka Cyclothon, ym du wow yoh yei doh i pran wa khlan tangwa wot wow pynneh ya ka rymaw.
Ya ka Fit India Cyclothon da sdang ha u Duyatra (January) 2020 ha Panaji, Goa.
Ya kani ka Cyclothon da pynman ya ka kam chibynta wow pynchlur ya ki paidbah ka ri wow yah cycle ki heiwa da sakhi yei chimbynta hadooh 35 lak ngut ha kylleiñ ka ri.
