U Waheh Chnong ka Lapangap, u Deimon Lyngdoh hawa klam wa kiwa pathai khubor, da ong u wa i wan kyntoor pood ki Karbi da sdang i hadien na Khanduli wei ha chnong Lapangap won da sdang nadooh ka 24 tarik u Naisaphra uni u snem.
Da ong u wa nadooh itæ hawa em kiwa lai rep da pyntieñ da pynthut ki Karbi ya ki wei da boon leh kiwa chong chnong kiwa da mynsoo ha ini i leh ki Karbi.
Chooh chooh da ong u wa ki hali wa jooh em ha Nangjrong leh da ieh ya ki neibhah da pyndik ki Karbi wei da boon ki trep wa chah thang.
Da ong u leh wa kini ki hali toh wa da rep ki da ki spah snem kattu tangwa katni da wan kyntoor pood ki Karbi wot cheini leh.
Heijooh i por da ong u wa ka chnong wa sah ki Karbi ka Tahpat toh kawa da e thaw ya ki da ka chnong wei dang haap ko hapoh Lapangap wei hapoh ka Elaka Shiliangmyntang.
Da kyrpaad u leh ya ka sorkar wow thooh laad wei wow chimkhia yeini i kaam khnang yow ye ki paidbah u ah suk ya uni u kba wa dadep thung ki.
Discussion about this post