U waheh chnong warim ka Ummulong, West Jaiñtia Hills, u SS Langi da pyntip u wa ha ka 21 Kmaichonglad 2020 wa da phah chithi u cha u EE ka Central Division PWD Jowai, West Jaiñtia Hills District wow pynkynmoo ya ka chithi wa da phah chwa u ha ka 21 Naikhynde yong u jooh u snem.
Ha ka chithi da ong u wa kam kiwa chong chnong ym hun ki ya i chem chitom nei sih u sarok ha waroh ki dong ka chnong Ummulong.
Da ong u wa dei wym yohsa hajrong ini i ood ki paidbah, oo kam u waheh chnong warim hadien wa mih i ood ki paidbah ymye u wow suki yeini, kamtæ da thoh biang u ya kani ka chithi pynkynmoo wow pynsmat u kreh yeini i kaam.
Heijooh i por da ong u wa da kyrpaad leh ya u MLA wa u MDC kani ka thaaiñ ya kiwa da pynjop dei kreh chitom yong ki wow chimkhia ki yeini i kaam.
