Kyntu uwa yahkhmat ka sorkar wa chipor ka Bangladesh wym toh u em yei mynsien pyniar tput

U Muhammad Yunus uwa da yoh ya ka Noble Peace Prize ha ka Economics da chim smai u kam u khlieh ka sorkar wa chipor ka Bangladesh ynnin ka sngi hadien wa yut wei ieh ka Sheikh Hasina yei man Prime Minister ka ri.

U Yunnus toh uwa em 84 snem i rta uwa da kha ha u snem 1940 ha Chittagong wei da yoh PhD u na United States wei da hikai u leh ha US chwa wow liwan biang u cha Bangladesh ha u snem 1972.

Da man u leh kam uwa sdang ya ka Garmeen Bank ha u snem 1983 yow e ya ki ram wa khian chwa kiwa kwah u seiñ khih ki wym ye u yoh ram na kiwi ki Bank.

Ha u snem 2006 da yoh u ya ka Nobel Peace Prize wei da mut u wow sdang ya ka Political Party ha u snem 2007 tangwa ym em lai u chakhmat.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da chah takit u ha kiwa boon ki kaam wa da phah da ka sorkar nadooh u snem 2008 heipor wa synchaar ka Sheikh Hasina wei da chah rai pynrem u deiwa ong wa tyngkheiñ u ya ki Labour Law ka ri wei da phah kset ya oo 6 bnai tangwa da yoh jamin u.

Hapoh kani ka sorkar wa chipor wa kattæ, em ko 16 ngut ki Council of Advisers ki wow pyrchang wow wanrah biang yei suk wei wow pyntikna yow pynman ya ka Election yow ye u chimkti da ka sorkar wa da jied da ki paidbah.

U Yunnus hawa e yei klam da ong u wa ka Bangladesh toh kawi ka manyung wei da emkaam wow pynyatylli ka. Da ong u leh wa ki paidbah ymtoh u em ki yei mynsien pynhiar tput.