Ka seiñ All Hynñiewtrep People United Front (AHPUF) da e ko i kyrchaan wa pura yei khang chnong wa arsngi wa khut pynman da ka Dorbar Chnong Tympang Iawmusiang chirup i yakrehlang kiwi won ki dorbar chnong.
“Hao wym ye u len wa em hi i dooh nong wa joor neini i khang chnong khamtam ya kiwa chong yaw chong haat kamjooh wot kiwa kreh mylla neidaw wym yoh de ki u li khih,” da ong ka seiñ.
Tangwa neibynta i bha yong ka chnong ka thaw khamtam kiwa chong wasah hapoh ka sor Jowai wa ka Ri-loom Jaiñtia hi waroh kawi, ka seiñ da e ko i kyrchaan wa pura wei khut ko leh ya waroh ki paaid wa chong chnong ka Ri-loom Jaiñtia u ya ksohkti lang wa kani ka khang chnong khnang wa i thmu i angnood yong ki paidbah ka chnong Jowai u man iwa jop.
Lyngba kani ka kyrwoh ka seiñ pynsñiaw ko i sñiawkhia wa joor wa toh i daw wa kheiñ stiñ ka sorkar mih ini i eh i kho hadooh wa jia kamni wa ki chnong wym yohsa ki u chim ya kani ka luti u khang chnong syndon.
Ka seiñ da beiñ joor haroh ko yaka Jowai Municipal Board wa yaka sorkar MDA wa yahkhmat daka NPP wym ye ko u pynyoh thaw noh jhep. Kamtæ kyntu ko yaka sorkar wa yaka Jowai Municipal Board wow pynsmat thooh ko ki laad lym kamtæ sam chakhmat i eh wa rap joor.
