Kyrchaan ka EJNC yei dawa ka KAS wa ya ka rai ka KSU wa HYC

Jowai: Ka East Jaiñtia National Council (EJNC)-Central Council da e ko i kyrchaan wa pura ya ka Khasi Authors’ Society (KAS) hei yatoh wa dawa wow pynpsiah ya ka ktien khasi haka 8th Schedule yong ka Riti Shynchaar yong ka ri India.

“Hanlada ka EJNC ym yoh ko yachimbynta ha ka yalang pyn ehrngu wa da pynman daka KAS haka 5 tarik uni u bnai naki daw ki wym ye de u kiar, ka seiñ hi, e ko i kyrchaan wa pura yeini i dawa” da ong ka seiñ.

Da pynsñiaw ko yei mynsien wa khia wa ini i dawa ka jaitbru wa sdang nadooh ki snem 1972 wei hadooh katni dang man i iwa sahteiñ tangwa kam ki ktien Nepali wa Manipuri da psiah ki haka 8th Schedule yong ka Riti Shynchaar ka India.

Da ong ko leh wa ka ktien Khasi em ko hei syir lada kam ka jaitbru ym yoo jngai ki wow yada namo wow pynneh ka ka ktien tynre.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Kamtæ ka seiñ da pynsñiaw ko yei mynsien sñiawngooh ya ka rai ka KSU wa HYC kiwa da rai wow klam da i ktien khasi hawa yachem ki wa ki sahep namo wat ya ki heh sorkar wei da kyntu ya ki paidbah ka District wow yaklam da i ktien chnong hawa yaklam wa ki baar jylla wei ymtoh u sñiaw sarong lada tip u klam pharæng.

“Lada kini ki baar jylla tip ki u klam yei ktien yong i, daw man noh ko kam ka nongmuna ya kiwi tawan” da ong u Sambormi Lyngdoh, General Secretary EJNC-CC.

Da pynkut ka seiñ deiwa kyntu ya u Vincent Pala, MP Shillong Parliament Constituency wow yasaaid u ha Parliament hei yatoh wa ini.