Ka seiñ FKJGP-East Jaiñtia Hill District Unit da e ko yei kyrchaan wa pura ya waroh ki seiñ khamtam ya ka KSU East Jaiñtia Hills hajrong i dawa wow pynchna noh ya u sarok NH-6 uwa da sih cha palatpood nadooh Khliehriat hadooh Ratacherra u wym yahaap de wow ong toh u National Highway.
Da yoo leh wa da em chiboon i jia wa sñiawsih ha uni u sarokbah kam i ya tyrrah kari wa khak-khak neidaw wa sih palat uni u sarok cha wa palat najrong wa wanrah yei sahkut kari wa joor haka thaaiñ kamjooh ha Khliehriat kawa man ka District Head Quarter iwa da pyndooh burom ya ka District wow em ko u sarok wa sih kat deini iwa da pyman ya ki kari khian wow pynemkaam da u sarok pohchnong ka Khliehriat West neibhah ki kari khian ym ye de ki wow pynemkaam ya uni u sarokbah.
Ka seiñ da pyntip ko wa da dep ko wow phah chiboon ki kot cha ka NHAI lyngba u Deputy Commissioner ka East Jaiñtia yow pynchna ya utai u sarok tangwa da kut du ha ki kular donhi.
Khaddooh ka seiñ da kyrpaad ko ya ki MLA ka thaaiñ, u Kyrmen Shylla waka Santa Mary Shylla wow pyrkhat yeini i eh ki paidbah neibhah da jied ya ki wow pait yei eh ki paidbah.
Discussion about this post