Ynne ka sngi ka seiñ FKJGP Jaiñtia Hills Zone lyngba u Ricky Shylla uwa man leh u General Secretary ka seiñ chirup wa ki dkhot da e ki yei kyrchaan wa pura ya ka Synjuk ki Waheh Chnong Jowai heiyatoh wa i sah i neh i lang i jhep ha kylleiñ ka Jowai.
Ka seiñ da ong ko wa ini ym man i wym chynna jngai kiwa mihkhmat ka chnong Jowai u Wailadmiki Shylla uwa man u MLA ka thaaiñ.
Chooh chooh da beiñ leh ya u nontri ka chnat Urban Affairs u Sniawbhahlang Dkhar yeiwa suki u hajrong ini i chem chitom kiwa chong chnong ka Jowai neidaw wym mano u yeiwa chem ki paidbah ha yung ha sem ki bru wa da dap ki dei jhep.
Da ong ko wa yoosar kini ki MLA na ka thaaiñ boonkaam ki wow klam du ha ki khubor wow wanrah ya ka Project kam ka Smart Jowai Town wa ka Mini Secretariat.
Heijooh i por da kylli ya i daw wym ye kini ki MLA wow pynbait ya i kaam wa ktah bha ya ki paidbah ka Jowai.
