Shillong: Ka seiñ saiñ hima, ka Hill State People’s Democratic Party (HSPDP) da pynsñiaw ko yei mynsien wa khia hei yatoh wa iwa jia ha i thaw pynkreh ya ka luti rel wa em ha Byrnihat, Ri-Bhoi District.
Ha ka khubor na u Chairman ka Media Cell yong ka party u Londoner M. Sohtun, da ong u wa ka sorkar toh u bahkhlieh ko lada mih iwon iwon i jia iwa ktah yei chongsuk hapoh jylla neibhah ka ym em u ap ko yeini hanlada dep pynsñiaw kiwa mihkhmat na ka party wa pyrchah yeini.
Da ong wa ka seiñ ym em u pyrchah ko yei roi i paar tangwa yieñ skem ko wow pyrchah ya i psiah tooh ki baar jylla ha kani ka jylla. Na kini ki daw ka seiñ sñiaw ko wa toh u pynkrehkaam chwa da ki aiñ wow pait yeini hachwa wow sdang i kreh ya ka luti rel.
Chooh chooh ka HSPDP yieñ skem ko wow pyrchah ya ka luti lai rel wa kit paidbah wei pdiang ko ya ka luti rel wa kit mar hadien wa wanrah ka sorkar ya ki laad wow yada yei psiah wei mih ki baar jylla.
Discussion about this post