Ka JAC Ri Loom Jaiñtia da pynsñiaw ko yei sñiawsih wa khroo heiyatoh wa i rukom chah siat yap u Cherishsterfield Thangkhiew ha ki pulit heiwa ini da booh ko ya ki paidbah kiwa boon hei artatien boi em iyi iyi cha kylla.
Ka JAC da e ko leh yei kyrchaan wa pura ya i yakhih ha sor Shillong khamtam ya ki Rangbah Shnong yong ka Mawlai ha wow dawa beh kreh chwa ya kitu ki pulit wa ya kitu ki SP kiwa emkti hei siat yap ya u Cherishsterfield Thangkhiew katwa i takit dang lai i chakhmat.
Da ong leh wa ka sorkar toh wow e ko leh da i takit wa paka wei wow e ya i kular wa i takit toh u man ko leh da ka Judicial Inquiry khnang wa i takit u man ko kawa khooid wa laitlooid khlem em iwon iwon i yachah chiliang.
Chooh chooh ka JAC Ri Loom Jaintia da e ymut ko ya waroh wym hoi em i yaphær yumut, toh wow em i yatylli ha waroh kawi ka jylla khnang wow man ko ka yakhih kawa jop heiyatoh wa kani ka phang dawa.
Ka JAC Ri Loom Jaintia toh kawa kynthup ya ka AJCVA, MPUF, JSM, JYF, HYC, HNPF waka RJTA.
