Ka Joint Action Committee ka Ri-Loom Jaiñtia wa kynthup ya ka Jaiñtia Youth Federation (JYF), All Jaiñtia Commercial Vehicle Association (AJCVA), Ri-loom Jaiñtia Trader’s Association (RJTA), Hynniewtrep National People’s Front (HNPF), Meghalaya People’s United Front (MPUF) ha ka yalang wa man ha yung krehkaam ka MPUF da rai ko wow kyrchaan ya ka yung u Cherishterfield Thangkhiew.
Ka JAC da rai ko leh wow yang ya ka bui na ka Judicial Inquiry wei lada ka yung u Thangkhiew emkaam ko ya i krehlang ka JAC, ka Committee da man ko kawa smat wow kyrchaan ya ki.
Ka seiñ leh da rai ko leh wym pynmman kiwon kiwon ki yakhih heiyatoh wa ini i kaam khlem da em i sñiawthooh wa kiwa hayung hasem u Cherish.
Chooh chooh ka JAC da dawa ko na ka sorkar wow khoom u kdoh noh ya ka chnat ki pulit khnang wow lait na kam ini i jia neini chaphrang.
