Jowai : Ka Jaiñtia National Council (JNC) da pynbna ko wa e ko yei kyrchaan wa pura yeiwa dawa ka Jaiñtia Students Union naka JHADC wow pynmih noh ya ki dak thoh (alphabet) i ktien Pnar.
U Chairman ka seiñ ong u wa kam ki jait bru wa klam yei ktien Pnar emkaam hok i u yoh ya ki yong i hi ki dak yow pynwan dur ya ki kyntien wa klam yong i. Heijooh i por leh ong u wa ka kyntien Khasi toh ka wa sñiawthooh lang waroh tangwa i dawa ye ki dak Pnar ym em yatoh ko wei tympiah jaidbru.
Lada wa i dawa ka JSU man i u moochynthut yei ya tylli ki jaidbru Ynñiaw Wasa yong i, ka JNC sñiaw ko u ong wa yow pyntipmit ya ki jaidbru (identity) yong i toh wa i klam i dei ktien Pnar. Ym ye u man wa i dawa ya ki dak thoh u pynpiah jaidbru ko katkaam wa ong ki kattu katni ki bru.
Ka Council da ong ko leh wa lada kamni kiwa boon kiwa klam ya ki ktien yong i hi daw poi i por wow khang ya ki u klam ki lait noh i ktien Khasi. Kamtæ ka JNC da kyntu ko wa ki paidbah wa ym hoi u sñiawthooh bakla ki wei ym hoi u mih i sñiawthooh pynpher jaidbru du nei dak thoh næ i ktien wa klam i.
Toh ka dustur wa pyn yatylli ya i kawa ong wa i toh ki khon u Ynñiaw Wasa ym toh yei ktein wa klam i.
Ini toh katkam ka khubor na u Sambormi Lyngdoh uwa man kam u Chairman ka Jaiñtia National Council.
Discussion about this post