Hadien wada ood da naam kiwa chong chnong ka Jowai neidaw wa ka wah Myntdu da man ko kawa jakhlia jakhleit da i khyndaw wa da kai da noh cha ka wah Myntdu neidaw wym chimkhia ki bor wa toh u pait, kamtæ neiliang ka Jaiñtia Students Movement (Jowai Circle) da sñaiwkhia ko yeini, wei da e ko yei kyrchaan ya ka seiñ Khooid Yaka Wah Myntdu yei dawa yong ka wow yada ka ka wah Myntdu.
Heijooh i por neiliang ka seiñ leh ong ko wa ka wah Myntdu man ko ka wah kawa psa umbaam umdih ya waroh kawi ka sor Jowai, tangwa sñiawsih u ong wa ymem kiwa tip u yada ya kawa boon du kiwa kwah u pynsih wa pynjngud ya ka.
Na kini ki daw, neiliang ka seiñ yieñ lang ko wow emlang wei wow kyrchaan yaka Khooid Yaka Wah Myntdu neini chakhmat yow pyndooh yeini i eh khamtam yei kreh khalær u Contractor ya kani ka sarok khlem ki laad yada iwon iwon.
Ka seiñ da kyntu ko leh ya ki bor District wow chim yei kitkhlieh khnang yow ye u wanrah yei khooid i suba ya katai ka wah kawa waroh chi kattu kawa da psa da pyndap um ko ya ka thaaiñ khamtam ka chnong Jowai.
