Ka Meghalaya People United Front MPUF-EJHD ynne ka sngi da pynman ko ya ka yalang yong ka hapoh i yahkhmat u President u Kyrshan Blah heiwa da chim ko ya ka rai wow kyrchaan pura ya kiwa kreh Asha kiwa em hapoh ka jylla Meghalaya waroh kawi wa kamjooh i dawa yong ki wow su noh ya ka tulop kawa dang sah nadooh u 2019-20.
Ka seiñ dei sñiawkhia yei tlot ka sorkar heiwa wot ya ka tulop kawa T. 1500- T. 1600 yong ki Asha kiwa kreh haphrang dooh ha ka imlang sahlang kam ha ini i por wa em ka khlam COVID-19 ymye ko wow su.
Kamtæ ka seiñ da kyntu ko ya ka sorkar wow chimkhia ya ini wow su pyndep noh ya ka tulop yong ki khnang wa kiwa kreh Asha ym emkaam ki wow sangeh yei kreh neibhah lada sangeh kreh ki i doohnong u man i yong ki paidbah ka jylla hi waroh kawi.
