Kyrchaan ka SNSBH ya ka sorkar wa ka HLC wow kyrriah ya ki kharmator na Them Iewmawlong

Shillong: Ka Synjuk ki Nongsynshar Shnong ka Bri Hynñiewtrep (SNSBH) da pynsñiaw ko wa e ko i kyrchaan wa pura ya ka sorkar Meghalaya Democratic Alliance (MDA) ha kani ka kynti wow kyrriah noh ya ki kharmator na Sweepers’ Colony, Them Iewmawlong. Yeini kiwa synchaar chnong da pynsñiaw hadien ka yalang wa u symbood montri rangbah uwa man leh u Chairman ka High Level Committee (HLC), u Prestone Tynsong.

Hawa yaklam wa kiwa pathai khubor, u General Secretary ka SNSBH u Rapiong Blah da ong u wa ka synjuk e ko i kyrchaan wa pura ya kani ka sorkar kawa da chimkhia wow kyrriah noh ya ki kharmator na Them Iewmawlong, deiwa chan ya ka HLC wow pait ya kani ka kaam.

Da ong wa ka synjuk da kyntu ko leh ya ka HLC wa daw pynbna paidbah noh ko ya ka bui wa da leh da ka Hima Mylliem, ka Shillong Municipal Board wa ka Directorate of Land Records & Survey.

U Blah da beiñ u leh yei wan ki bru na baar wow luchia ya i kaam wa yatoh wa ka Them Iewmawlong du deiwa sñiaw ya ki khubor hamsaya lyngba ki Social Media.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da kyntu u leh ya ki paidbah wow man ki kiwa yaichah wow elaad ya ka sorkar wow leh ko yeiwa emkaam wow kyrriah noh ya ki kharmator neibhah wym man i iwa suk ya ka sorkar wow pynbait yeini pyn katni hi neibhah kattu da palat 20 snem da man ki kiwa da yaichah.