Jowai: Ka Synjuk ki Waheh Chnong Ri Jaiñtia da e ko yei kyrchaan wa pura ya ka seiñ Jaiñtia Student Movement (JSM) Central Body hei yatoh wa i dawa ka seiñ naka sorkar Meghalaya wow booh noh ya ka Government College ha East Jaiñtia Hills District, katkam ka yalang wa dadep pynman da ka seiñ haka 8 tarik uni u bnai ha Khliehriat, da ong ka khubor na u Publicity Secretary ka Synjuk u R. Harvis Phawa.
Da ong ka seiñ wada toh i por wow dawa noh na ka sorkar wow booh noh ko ya ka thaw puræ sorkar ha East Jaiñtia neibhah i em kani ka thaw puræ daw yarap bha ko chiboon ya ki khynnah puræ khamtam kiwa wan na ki manyung kiwa dooh.
“Nadooh wa khang ka NGT ya u mooyong, chiboon ki khynnah puræ ka District da pep noh ki u puræ chiteiñ por neibhah wa ki bei ki pa yong ki kiwa khih mylla sngi ym ye de ki u su ya ka bai College ki khynnah” da ong ka seiñ.
Katwa kamtæ lada em kani ka college sorkar (Govt. College) daw yarap ko ym du ya ki khynroo khyllood tangwa daw kyntu ko leh ya ka District waroh kawi.
Ka Synjuk da kyntu ko leh ya ka ka JSM wow lai ko chakhmat heiyatoh wa ini i dawa yong ka weiwa ka Synjuk leh smat ko u e i kyrchaan lada emkaam ko ha iwon iwon i por wei emkaam leh u leh ki ya ini da ka luti wa jaijai.
Also Read: Chisur rai ki paidbah wow dawa College Sorkar ha East Jaiñtia
Discussion about this post