Jowai : Ki manbei manpa ki khynnah skur yong kiwa lai skur SSA hapoh ka jylla da pynsñiaw ki ya i mynsien wa khia wa i beiñ joor ya ka sorkar wow pynkrehkaam noh ya i dawa kiwa sikai SSA wa ki 4th Teachers hapoh ka jylla heiwa ka sorkar da pynbor ko ya ki wow yakhih ki deiwa khlem booh por.
“Kam ki manbei manpa sñiawngooh sakhiat i yei wan ka SSA kawa da yarap sakhiat ya ki khynnah khamtam ha ki thaiñ palat chnong wei yaroh ki leh ya i kreh chitom kiwa kreh ka SSA ka wow e yei stat i tip cha ki khynnah ha kylleiñ ka jylla” da ong ki manbei manpa.
Ki manbei manpa da ong ki wa kiwa skai SSA ha kini ki por wada dep da kyrpad ki na ka sorkar wow pynbiang ko ya i su ya ki tulop yong kiwa sikai SSA tangwa wa sñiaw wyrai won toh wa ka sorkar ym mano ko yeini.
Da ong chooh chooh ki wa lada ka sorkar kawa pait sakhiat ya i bha i miat yong ki khynnah ha kylleiñ ka jylla toh u leh ko iwon iwon hei yatoh wa ini.
Kamtæ kini ki manbei manpa da kyrpad ki ya ka sorkar u Mukul Sangma wow chimkhi ya ini i dawa kiwa sikai kamjooh leh wow pynman kaam ya i dawa yong ki.
Kani toh katkam i dawa ki manbei manpa kiwa kynthup ya u Shren marboh, ka Dria Rynjah, u Mulis Lyngdoh, ka Tre Rynjah, ka Thelna Pale, ka Burom Pale, ka Daka Rymba, u Shlur Pohshna, wa kiwi kiwi.
Discussion about this post