Tura: Ka seiñ A’chik Youth Welfare Organization (AYWO) General Body da ong ko wa i awri hapyrdi ka Khasi Students Union (KSU) wa ka sorkar jylla ye u pynyait yeini lada ka sorkar yieñ skem ko wow pynkrehkaam ya ki laad wow sonteri yei psiah wei mih ki baar jylla.
“Ka KSU yaleh ko yeiwa emkaam wei yeini ye u pynwandur du da i yaklam wei i jrongkti ka tnat sorkar wow kem ya ki dkhot kani ka seiñ man i iwa bakla neibhah ini sam pynchrai ko ya ki dkhot ka seiñ wa ki paidbah” da ong ka AYWO.
Ka AYWO kawi na ki 13 seiñ kiwa yakhun ya ka ILP nadooh u 2011 kyrchaan ko yei dawa ka KSU.
Da yooluti ko wa i klam u Dr. Mukul Sangma ha ka yalang wa ki 13 seiñ ha ka 19 tarik wa ka Facilitation Centre ha Mendipather Railway Station wow pait yei psiah ki baar jylla u krehkaam bha i.
Hei yatoh won wa ka Meghalaya (Benami Transaction Prohibition) Act 2016 wa ka Meghalaya Residents’ Safety and Security Act, ka AYWO daw pait ko yei rukom krehkaam yong ki.
Da dawa ko leh wa ka sorkar toh u phah ko ya waroh ki DC wow booh noh ya ka District Task Force katkam ka kyndon Section 5 (1) yong ka Meghalaya Residents’ Safety and Security Act wa ka Section 4(1) of Meghalaya (Benami Transaction Prohibition) Act 2016.
Kani toh katkam ka khubor na u Sengbath Chambugong Marak, General Secretary, ka AYWO(CGB), Tura.
Discussion about this post