Jowai: Hajrong i dawa iwa chong chnong wa chong ha khappood wa ka ri Bangladesh hapoh East Jaiñtia Hills District wow chna pynmiat ya u sarok Sonapur-Borkhat wa tip leh kam u sarok Rymbai-Borkhat-Jalapur, wa pynyabi ya ki chnong Borkhat, Hingaria, Huroi, Lailong wa Leijri, da man u uwa sih bha khamtam heipor wa slap heipor liyur.
Neiliang ka East Jañtia National Council (EJNC) – Central Executive Council, da kyrchaan pura ko ya ini i dawa ki paidbah kiwa da jooh lai mih cha ka sorkar Congress kawa da ieh khonswet ya kini ki chnong.
Ka seiñ hadien wa yoh ya ka sorkar thymme (MDA) da kyrmen skem ko wow yoo yei kylla ha kini ki chnong khamtam hapoh ka District hi waroh kawi, da ong u Sambormi Lyngdoh, President EJNC – CEC.
Ka seiñ da kyntu ko leh ya ka sorkar jylla wow chimkhia yeini neibynta i roi i paar ki paidbah.
Discussion about this post